ಮೊಗಾಳಾ ಬಾಪಾ, ತುಜ್ಯಾ ಸೆವಕಾ ರಾಯ್ಮಂದ್ ಮಸ್ಕರೇಂಜ್ ಬಾಪಾಕ್, ತುಜೊ ಯಾಜಕ್ ಜಾವ್ನ್ ತುವೆಂ ವಿಂಚ್ಲೊಯ್ ಆನಿ ಜೆಜುಚ್ಯಾ ಲ್ಹಾನ್ ಫುಲಾಚ್ಯಾ ಬೆಥನಿ ಮೆಳಾಚೊ ಘಡ್ನಾರ್ ಜಾವ್ನ್ ತುವೆಂ ತಾಕಾ ನೆಮ್ಲೊಯ್. ಪವಿತ್ರ್ ಸಾಕ್ರಾಮೆಂತಾ ಥಂಯ್ ತಾಚೆಂ ವಿಶೇಷ್ ಭಕ್ತಿಪಣ್, ಪವಿತ್ರ್ ಸಭೆಚೊ ಅಧಿಕ್ ಹುಸ್ಕೊ, ದುಬ್ಳ್ಯಾ ಆನಿ ಕಷ್ಟತಲ್ಯಾಂಕ್ ತಾಣೆಂ ದಾಕಲ್ಲೊ ತುಜೊ ಮೊವಾಳ್ ಮೋಗ್ ಆನಿ ಸುವಾರ್ತಾ ಪ್ರಗಟ್ಣೆಚೊ ತಾಚೊ ಮಿಸಾಂವ್ ವಾವ್ರ್ ತುಜೆ ದಯೆನ್ ಫಳಾಭರಿತ್ ಜಾಲೊ. ಹ್ಯಾ ತಾಚಾ ದೆಣ್ಯಾ ಪಾಸುನ್ ಆಮಿ ತುಕಾ ಅರ್ಗಾಂ ದಿತಾಂವ್.
ತಾಚೆಂ ಆದರ್ಶ್ ಘೆವ್ನ್ ಆಮಿಂಯೀ ಮರ್ಯೆ ಮಾಯೆ ಸಂಗಿಂ ತುಜಾ ರಾಜ್ಯಾಚಿ ಬರಿ ಖಬಾರ್ ಪ್ರಸಾರ್ ಕರ್ಚೊ ಆಮ್ಚೊ ವಾವ್ರ್ ಸುಫಳ್ ಕರ್.
ಆಮಿಂ ದೀನ್‌ಪಣಿಂ ಮಾಗ್ಚೆ ಹೆ ಉಪ್ಕಾರ್ ತುಜ್ಯಾ ಮೊಗಾಳ್ ಸೆವಕಾ ರಾಯ್ಮಂದಾಚೆ ಮಜತಿನ್ ಆಮ್ಕಾಂ ಲಾಭಾಶೆಂ ಕರ್ (ಗರ್ಜೊ).
ಬಾಪಾ, ತುಜೆ ಮಹಿಮೆಕ್ ಆನಿ ಸುವಾರ್ತಾ ಪರ್ಗಟ್ಣೆ ಪಾಸತ್, ಹ್ಯಾ ತುಜಾ ಖಾಲ್ತ್ಯಾ ಆನಿ ವಿಶ್ವಾಸಿ ಸೆವಕಾಕ್ ವೆಗಿಂಚ್ ಆಲ್ತಾರಿಚೊ ಮಾನ್ ಫಾವೊ ಕರ್ ಮ್ಹಣ್ ಆಮಿ ಮಾಗ್ತಾಂವ್, ತುಜಾ ಪುತಾ ಜೆಜುಚೆ ನಾಂವಿಂ ಆಮೆನ್.
ಆನಂದ್ ಬಾಪಾಕ್ . . .
